在地下大廳睇電視時

[隱藏]

呢件事係發生喺大約兩年前，我住村屋的，大廳在地下，二樓就係睡房。
有一晚大約半夜兩點幾，我喺廳睇緊電視，忽然花園果幾隻大狗不停狂吠，wuwu咁聲，咁我咪即刻出去花園睇下咩事，因為後花園對出全部都係蕉樹，而且d樹又高又密，咩都睇唔到，我見咩都無咪諗住可能係d流浪貓咁la，返左入屋繼續睇電視。
大約五分鐘之後，d狗又狂吠，我即刻走出去，去到後花園，又係爭係見到d樹，跟住我把心一橫，行近d去睇，差不多去到圍欄，d圍欄高度大約去到條腰，我上半身成個哄左出去睇，都係咩都睇唔到，跟住突然，喺眼尾見到有個人影行過，行返去屋果個方向，我果陣開始知驚，d狗已經唔吠，而係不斷wuwu咁低鳴。
由我個位行返去屋入面大約十零步左右，我果陣真係驚到唔知點算，因為屋企人訓晒覺，得番我一個，但無辦法，點都返入屋先算....我係咁叫自己唔好驚，可能眼花睇錯姐，最後入左屋，關返門......d狗靜左d不過都係好不安咁行來行去，我定一定神，坐返喺梳化......跟住奇怪嘅事繼續發生...
我睇緊個電視，應該係做緊咩無間音樂定唔知咩節目，跟住好似接收唔到咁，d雪花係咁出，d人個樣濛晒，又上下扯來扯去，扯到d人個樣好怪，同埋, 我個廳係有個鬧鐘收音機ge，有時我有電話打來果陣，會有d扞擾咁ge聲發出，但果一刻，佢就係好似我有電話黎咁，ssiiiisssiiiisssiii咁響...其實果一刻，雖然我冇親眼見到d咩，不過我feel到喺我附近係有人/有d野企左喺度。
大概過左半分鐘，電視正常返，個收音機都冇響，而有人喺屋入面ge感覺六冇咁強烈，好似一切回復平靜咁，我拿拿臨熄電視上樓訓覺。