荃灣墳場對出馬路

大約兩年前到，當日夜晚我地一行10幾個單車友踩單車，由旺角來回屯門黃金海岸，大部份都配戴walkie talkie方便互相聯絡，係回程既時候大概凌晨時份，點解甘肯定時間，因為我地出車時間21:00，入到屯門22:30到，回程時車時速較慢，出到荃灣海濱花園7-11  大概0:00，之後就一齊沿路行墳場方向入貨櫃碼頭回旺角啦，當時我地其中4個人(包括我)體能有番上下帶頭離開主車群，去到轉彎位儉房位(當時完全唔知個度係儉房)，就聽到walkie傳來話undefined有人跌左野)，我地帶頭4個(都有帶walkie)大家互望，我就叫等等，我地4個停既位置就正正個儉房門口(當時仲未知係儉房架，亦無望太多)，因為個度燈光充足，飲啖水就等埋後面車友上到黎問下邊個叫跌左野啦，後面個班人就話以為係我地4個叫，所以佢地踩快d追上黎，我就話好似你其中一個A君車友把聱，佢就話都無叫過，你一言我一語之制，大家都無人認講過，都覺得有D問題，就唔理甘多啦，爆車即走，起步車速比平時快左好多，當然都係我地4個帶番頭，就係一個街口位，我地車龍係一個跟一個車尾，當時我排第3位我離遠大概100米到，見到係右邊行人路有隻黑貓係垃圾筒側個黑色膠袋到找緊食物，(點解我會甘清楚見到佢，因為我見到膠袋動來動去，又聽到沙沙聲，你知啦，夜麻麻小小聲都清楚同埋個度工業區無人)，加上我見到佢隻眼反光，隻貓個頭一路都向住我地，突然之間佢衝埋黎，就係我地帶頭架車前轆跑過左手邊行人路，直衝入草叢，帶頭架車即時殺車，差好小就輾過隻黑貓，我地跟車個3個都即時殺車都哂TIRE，我仲叫左出黎，因為我差小小炒埋前頭架車到，我地4個停低左大家都好驚，我當時個心跳得超快，大家已經都唔再講任何野，好自然就叫走啦，走啦，快小小，終於安全到左旺角....我地其中一部份人(帶walkie個d人)就話踩去食麯，其他人(無帶walkie)就各自回家，食野個時我地講番件事，我仲好肯定話Walkie入面好清楚A君把聲，仲叫佢唔好玩啦，但係A君好堅決話真係唔係佢，其他人都係話無講個野，仲話邊得閒講野呀，追我地4個追得好辛苦，因為我地Walkie唔係普通個款，加上我地有編碼，比如1-10台有01-99channel，例如5台66甘，普通人根本好難tune到入黎我地條線到，仲要係一段短時間內，所以否定有其他人加上個度人跡旱見，得個碼頭同豬欄，加上我地個個認識左好耐下，唔會玩玩下個隻，所以都覺得件事好怪異.......
事後我地一段時間都唔敢係夜晚行經個段路，另願兜路，直至一次朝早再踩入屯門，我地先再次行番個段，先發現當時我地停車位係公眾儉房，我地就明白，原來比佢地嚇我地....